ໃນລະຫວ່າງວັນທີ 27-28 ພະຈິກ 2024 ສະຖາບັນຄົ້ນຄວ້ານຳໃຊ້ເຕັກໂນໂລຊີອັດສະລິຍະ ຮ່ວມກັບ ວິທະຍາໄລເຕັກນິກວິຊາຊີບ ກຸ້ຍໂຈ ໄດ້ຈັດຝຶກອົບຮົມການພັດທະນາຫຼັກສູດຝຶກອົບຮົມການສ້າງວິຊາຊີບຫົວຂໍ້: ຄວາມຮູ້ເບື້ອງຕົ້ນກ່ຽວກັບລະບົບຄວບຄຸມຍານພາຫະນະທີ່ນໍາໃຊ້ພະລັງງານໃຫມ່ (ລົດໄຟຟ້າ) ຢູ່ທີ່: ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ (ເຂດຫຼັກ3), ໂດຍໃຫ້ກຽດເປັນປະທານເປີດ ທ່ານ ປະລິຕະ ແສງຈັນທຣ໌, ຮັກສາການຫົວຫນ້າສະຖາບັນຄົ້ນຄວ້ານຳໃຊ້ເຕັກໂນໂລຊີອັດສະລິຍະ ແລະ Prof.long Guangtao, ຮອງອະທິການບໍດີ ວິທະຍາໄລເຕັກນິກວິຊາຊີບກຸ້ຍໂຈ (ເຊິ່ງມີຜູ້ເຂົ້າຮ່ວມຝຶກອົບຮົມທັງໜົດຫຼາຍກວ່າ 50 ທ່ານ)

ເຊິ່ງຈຸດປະສົງ ກອງປະຊຸມໃນຄັ້ງນີ້ ເພື່ອເປັນການເຜີຍແຜ່ ແລະ ສາທິດການນຳໃຊ້ລະບົບດັ່ງກ່າວ ໃຫ້ພະນັກງານພາຍໃນກະຊວງ ຕສ ແລະ ນັກສຶກສາຈາກຄະນະວິສະວະກໍາສາດ(ມະຫາວິທະຍາໄລ ແຫ່ງຊາດ) ໄດ້ຮັບຮູ້ ແລະ ເຂົ້າໃຈ ຄວາມຮູ້ເບື້ອງຕົ້ນກ່ຽວກັບລະບົບຄວບຄຸມຍານພາຫະນະທີ່ນໍາໃຊ້ພະລັງງານໃຫມ່ (ລົດໄຟຟ້າ) ເພື່ອໃຫ້ນັກສຳມະນາກອນໄດ້ນຳໄປໜູນໃຊ້ ແລະ ຜັນຂະຫຍາຍໃນວຽກງານຂະແຫນງການຂອງຕົນ.

-----------------------------

ບົດຂ່າວ: ທ.ຈະເລີນສຸກ ພັນດາລາ

ຮູບພາບ: ທ. ສຸກສາຄອນ ແສງອາລຸນ

ເວັບໄຊ: https://arist.gov.la/